ADHD Rundferð í Føroyum frá september 2019 – august 2020

Endamál: Nýggja nevndin avgjørdi á sínum fyrsta fundi 18.mai at arbeiða við 10 ítøkiligum málum, fyri at náa endamáls felagsins.
Ein táttur fyri at røkka málunum er ein rundferð í Føroyum.

Rundferðin eru kunningarfundir í 6 økjum í Føroyum komandi árið, har endamálið er, at breiða tilvit av ADHD og vinna viðurkenning, bæði millum manna, avvarandi og fakfólkið. Tí einans við viðurkenning og fakligari vitan, ber til at skapa rættar tillagaðar fortreytir og karmar, ið tryggja trivna, bata og menning hjá menniskjum við ADHD.

Evnisdagurin er almennur og ynskiligt er, at tað eru vit saman við teimum einstøku kommunum, ið skipa fyri. Á evnisdegnum eru framløgur og fyrilestur um børn og vaksin við ADHD. Aftanná verður møguleiki, at luttakarnir kunna fara í bólkar, har teir fáa møguleika at tosa og spyrja í einum minni høpi.

Dagarnir* eru hesir : 

  • Suðuroy – Vági  – 07. september leygardag ÚTSETTUR
  • Norðuroyggjar – Klaksvík  – 24.oktober hóskvøld kl.19
  • Eysturoy –  Sunda kommuna  23. januar 2020  hóskvøld kl.19
  • Streymoy – Tórshavnar kommuna 27.august 2020 hóskvøld kl.19
  • Vágar – Sørvágur/Giljanes  26 mars 2020 hóskvøld kl.19
  • Sandoy / Meginskúlin 28 mai 2020 hóskvøld kl.19

*dagarnir kunnu broytast

Tiltakið verður almannakunngjørt og innbjóðingar verða sendar øllum stovnum, kommunum, fjølmiðlum og áhugabólkum.

Samstarv við kommunurnar. Úti um í samfelagnum hava kommunurnar ein sera týðandi leiklut tá tað kemur til ADHD, tí ynskja vit at samstarva við lokalu kommununa um ADHD dagin.